Men, alternativa var ikkje så mange. At Ylva skulle gå i barnehage 4 dagar i veka mens Joakim skulle vera heime med meg heile tida - det virka endå meire kjedeleg for han, for alle andre ungar er jo vekke om dagane også. Så eg bestemte meg for at me skulle i allefall undersøka rundt alle tilboda, og sjå korleis det verkeleg var på skulen for ein fireåring.
Som sagt, så gjort. Søknad vart omsider sendt til den britiske skulen i den Haag, då eg hadde høyrt mykje positivt om denne skulen, og eg likte det eg såg på heimesidene deira av bilder og informasjon.
Men om eg likte skulen - så var det slettes ikkje sikkert at Joakim ville gjera det - ei heller om skulen ville lika han! (dramatisk musikk i bakgrunnen). For først måtte me komma på intervju. Med poden.
Formaningane var mange og lange den morgonen. Ylva vart kjørt i barnehagen, og mor hadde store kvaler for å la sitt einaste datterbarn vera "åleine" der utan storebror - noko frøkna sjølvsagt blåste ein lang marsj i, og vinka fint avgårde både mor og storebror ut dørene. So mykje for den dramatiseringa i hovudet mitt om hylskrikande, utrøsteleg datterbarn. ;)
Me kom til den britiske skulen i god tid før intervjuet, og Joakim var klar som eit egg.
Visittkort rundt halsen - da var stooor stas! Poden følte seg rimelig important. Han hadde til og med fått ein dæsj av pappa sin hårgelè om morgonen, så formen var på topp!
Nøyaktig på avtalt tidspunkt klokka 12:00 vart me vist inn på eit kontor, der poden skulle "målast og veiast" - eller rettare sagt, ho skulle sjå på korleis han leika seg, på manerane hans, på språk, koordinasjon, og korleis han var i det store og heile. Treng eg å sei at eg kaldsvetta og var ganske så nervøs??? For vel er han gullungen min og finaste på heile jorda, men jaggu kan han vera eit troll når han sitt rette sida til også....! :-S
Men ikkje i dag - i dag var han berre verdens største sjarmtroll. Og sidan ho som intervjua oss var blond, så fekk ho litt ekstra dulgte blikk og store smil frå knotten - han har jo ein ganske så tydeleg "fetisj" for blonde damer av ein eller annan grunn. ;)
Etter litt prating og leiking mellom Joakim og dama, så imponerte han sin mor stort. For han ramsa opp fargane på nokon leikebilar - på ENGELSK! Ikkje veit eg kor han har lært det frå, eg berre veit at det er ikkje eg som har lært han det. "Yellow, red, blue og green" sa han, mens han peika fornøgd på dei rette bilane. Morshjerta svulma umiddelbart til gigantiske proporsjonar, og i det fjerne såg eg den nye Albert Einstein. Eller noko sånt. :P
Etter at intervjuet var ferdig vart me vist rundt på skulen - og FOR ein skule! I klasserommet som Joakim skal gå i, var det langt i frå dei rekkene med pultar og dårlege stolar foran ei tavle som eg hadde sett for meg. Det var små bord plassert i grupper, der dei kunne gjere alt frå å bygge med lego til å tegne dinosaurar. Eit eige "plaskebord" hadde dei også, med vannpistolar!
Det er kanskje ikkje nødvendig å sei at Joakim var heilt enig med å starte på skulen. Med èin gong. Og at skuffelsen vart stoooooor når han skjønte at han ikkje kunne det i dag. Men i september, då satsar me på at han skal byrja, og før den tid - så må skuleuniform på plass! :)
 |
| Hide n´ seek, ville ikkje heimatt, nei! |
 |
| "Stå i ro, din rakkarunge!" (heldigvis såg ikkje skuledama dette...) |
 |
| Litt trist og lei når mor måtte forklara at han kunne ikkje byrja på skulen i dag. :( |
 |
| Sjarmtrollet mitt :) |
